اسد
06-11-2009, 04:41 PM
حيا الله أهالي حرمه كلهم
من أولهم الى آخرهم
الحقيقة أني قلت لازم كل عضو يكون فاعل عشان ديرته ويقدم مبادرة ينفع فيها أهله وربعه
والحقيقة والواقع " متعوب عليها" :icon30: أني فكرت كثير وش أقدم من شيء يصير على قولتهم قنبلة الموسم
فأقترحت في شهر شوال أو ذو القعده "والله نسيت متى كان بالضبط" أن الشباب اللي يسوون احتفالات العيد ينزلون الاحتفالات على يوتيوب عشان ننشر أخبار ديرتنا وأيضا عشان نشوف اللي ما قدرنا نشوفه
وكان التفاعل من الشباب رائع ولكن اللجنه الاعلامية ردوا بأنهم ما استطاعوا ينزلونه ما أدري وش المشكله اللي واجهتهم
عموما مالكم بطول السالفه
يعني اقتراحي راح بلووووشي
قلت لا زم أجيب فكرة ابداعيه أكثر ولازم أنا أنفذها
بحثت عن نشيد دخلت مسير لحرمة اللي كان في حفل أهالي حرمة لعام 1428 وكان معه صور فيديو لحرمة القديمة
طبعا بعد عناء ومشقه وبعد ما نشف ريقي قدرت أحصل على المقطع بجودة عالية:39:
يوم لقيت المقطع بقي الشغل وخويكم من جنب العارضه"هذي خارج النص" يعني مهوب يمها في المونتاج والاخراج
قلت لازم نلقا حيله
تطلبت بعض الاعضاء اللي يطقطقون في المونتاج ولكن ما عطوني وجه
قلت وأنا أخو شماء أني أنا أزينها بنفسي
مالكم بطول السالفه قمت وفتح برنامج الفيديو اللي نازل مع ويندوز وحطيت المقطع الصوتي
بقي الحين الشغل الاحترافي - اللي أنا من جنب العارضه فيه - يوم شفت الدعوى ولاها صدق أو صدز ان بغيتوا بلهجة حرمة
قلت ألحين وشلون بجيب الصور وأنا ما أعرف وشي أصلا،، للتوضيح اللي كتب القصيده الله يجزاه خير جاب كلمات قديمه مثل الطايه والطرمه والقوع وشغلات مثل كذا
بعضهن نعرفهن مثل الطايه اللي هي السطح
لكن القوع والطرمه وش هن ؟ أتحدا أحد يعرف وش هن:17:
عاد قلت وش الحل؟؟
وش تتوقعون
طبعا الشيخ قوقل الله يخليه لنا ما قصر
قمت أكتب كل كلمه أبغاها وأبحث في الصور الين ألقى المناسب منها وأحطه
وخذ يا تجميع صور الين انتهيت من كل الصور
بعدين بقي آخر شيء وهو المونتاج
بديت أحط الصور المناسبة على النشيد الين خلصت
توقعت الان أني انتهيت
طبعا كان بقي وضع المؤثرات وتصدير الملف عشان يكون محفوظ بشكل نهائي
خويكم قبل ما يسوي هذا قال وشوله هالصور تبقى مزعجه على سطح المكتب ومار أقوم وأحذفهن
بعد ما رجعت لفلمي لقيته كل ما جاء على صوره يقول أنها مفقوده، قلت أخو العيال وش هالورطه
رجعت ثانية ورجعت الصور وكملت المونتاج بالمؤثرات مع كتابة اسم الموقع على كامل الفلم حفظا للحقوق
طبعا يوم انتهيت بقي الامتحان الاخير وهو يوتيوب
بعد ما خلصت من المونتاج حاولت أرفعه على يوتيوب ولكن قال لي سجل وكل ما حاولت طلع لي خطأ
وبعد ما شاب راسي وبعد حوالي 3 أسابيع قدرت الحمد لله أسجل
الى الان ما أنتهت السالفه لا تستعجلون تونا ورانا مشوار
بعد ما سجلت في يوتيوب حاولت أرفع الملف وكلما رفعته ما أقدر
طبعا تعرفون السرعه الخيالية في شركة الاتصالات خصوصا في حرمة
تسلفت موبايلي من واحد من الشباب ولقيتها أزفت
رجعت للاتصالات "حياة أصعب" وبعد جهد جهيد استمر أسبوع كامل قدرت الحمد لله أرفعه
:clap:
طبعا لا تسألون عن الفرحه التي غمرتني " متعوب عليها غمرتني"
عاد بقي الحين تشوفون المونتاج والاخراج المميز واعذرونا على القصور
وياليت تصوتون عشان يعرضونه في الاحتفال القادم ويعطوني جائزة مثل أبو عبدالمجيد العام الماضي
صح أني ما أقدر أسوي ولا ربع ما يسوي أبو عبدالمجيد في أخبار المطر
لكن الجود من الماجود
وقبل ما تشوفون الرابط الانشاد من مشرفنا الغالي طال عمره " وده يثبت الموضوع" ومن كلمات الشاعر عبدالله المدلج
هذا هو الرابط
http://www.youtube.com/watch?v=lfp7yLUzqgU
وأنتظر أراءكم فيه
من أولهم الى آخرهم
الحقيقة أني قلت لازم كل عضو يكون فاعل عشان ديرته ويقدم مبادرة ينفع فيها أهله وربعه
والحقيقة والواقع " متعوب عليها" :icon30: أني فكرت كثير وش أقدم من شيء يصير على قولتهم قنبلة الموسم
فأقترحت في شهر شوال أو ذو القعده "والله نسيت متى كان بالضبط" أن الشباب اللي يسوون احتفالات العيد ينزلون الاحتفالات على يوتيوب عشان ننشر أخبار ديرتنا وأيضا عشان نشوف اللي ما قدرنا نشوفه
وكان التفاعل من الشباب رائع ولكن اللجنه الاعلامية ردوا بأنهم ما استطاعوا ينزلونه ما أدري وش المشكله اللي واجهتهم
عموما مالكم بطول السالفه
يعني اقتراحي راح بلووووشي
قلت لا زم أجيب فكرة ابداعيه أكثر ولازم أنا أنفذها
بحثت عن نشيد دخلت مسير لحرمة اللي كان في حفل أهالي حرمة لعام 1428 وكان معه صور فيديو لحرمة القديمة
طبعا بعد عناء ومشقه وبعد ما نشف ريقي قدرت أحصل على المقطع بجودة عالية:39:
يوم لقيت المقطع بقي الشغل وخويكم من جنب العارضه"هذي خارج النص" يعني مهوب يمها في المونتاج والاخراج
قلت لازم نلقا حيله
تطلبت بعض الاعضاء اللي يطقطقون في المونتاج ولكن ما عطوني وجه
قلت وأنا أخو شماء أني أنا أزينها بنفسي
مالكم بطول السالفه قمت وفتح برنامج الفيديو اللي نازل مع ويندوز وحطيت المقطع الصوتي
بقي الحين الشغل الاحترافي - اللي أنا من جنب العارضه فيه - يوم شفت الدعوى ولاها صدق أو صدز ان بغيتوا بلهجة حرمة
قلت ألحين وشلون بجيب الصور وأنا ما أعرف وشي أصلا،، للتوضيح اللي كتب القصيده الله يجزاه خير جاب كلمات قديمه مثل الطايه والطرمه والقوع وشغلات مثل كذا
بعضهن نعرفهن مثل الطايه اللي هي السطح
لكن القوع والطرمه وش هن ؟ أتحدا أحد يعرف وش هن:17:
عاد قلت وش الحل؟؟
وش تتوقعون
طبعا الشيخ قوقل الله يخليه لنا ما قصر
قمت أكتب كل كلمه أبغاها وأبحث في الصور الين ألقى المناسب منها وأحطه
وخذ يا تجميع صور الين انتهيت من كل الصور
بعدين بقي آخر شيء وهو المونتاج
بديت أحط الصور المناسبة على النشيد الين خلصت
توقعت الان أني انتهيت
طبعا كان بقي وضع المؤثرات وتصدير الملف عشان يكون محفوظ بشكل نهائي
خويكم قبل ما يسوي هذا قال وشوله هالصور تبقى مزعجه على سطح المكتب ومار أقوم وأحذفهن
بعد ما رجعت لفلمي لقيته كل ما جاء على صوره يقول أنها مفقوده، قلت أخو العيال وش هالورطه
رجعت ثانية ورجعت الصور وكملت المونتاج بالمؤثرات مع كتابة اسم الموقع على كامل الفلم حفظا للحقوق
طبعا يوم انتهيت بقي الامتحان الاخير وهو يوتيوب
بعد ما خلصت من المونتاج حاولت أرفعه على يوتيوب ولكن قال لي سجل وكل ما حاولت طلع لي خطأ
وبعد ما شاب راسي وبعد حوالي 3 أسابيع قدرت الحمد لله أسجل
الى الان ما أنتهت السالفه لا تستعجلون تونا ورانا مشوار
بعد ما سجلت في يوتيوب حاولت أرفع الملف وكلما رفعته ما أقدر
طبعا تعرفون السرعه الخيالية في شركة الاتصالات خصوصا في حرمة
تسلفت موبايلي من واحد من الشباب ولقيتها أزفت
رجعت للاتصالات "حياة أصعب" وبعد جهد جهيد استمر أسبوع كامل قدرت الحمد لله أرفعه
:clap:
طبعا لا تسألون عن الفرحه التي غمرتني " متعوب عليها غمرتني"
عاد بقي الحين تشوفون المونتاج والاخراج المميز واعذرونا على القصور
وياليت تصوتون عشان يعرضونه في الاحتفال القادم ويعطوني جائزة مثل أبو عبدالمجيد العام الماضي
صح أني ما أقدر أسوي ولا ربع ما يسوي أبو عبدالمجيد في أخبار المطر
لكن الجود من الماجود
وقبل ما تشوفون الرابط الانشاد من مشرفنا الغالي طال عمره " وده يثبت الموضوع" ومن كلمات الشاعر عبدالله المدلج
هذا هو الرابط
http://www.youtube.com/watch?v=lfp7yLUzqgU
وأنتظر أراءكم فيه