مشرف الأخبار
09-13-2010, 02:29 PM
محمد العبدالكريم (أبوراكان) هو الشاعر الذي ألقى القصيدة النبطية لحفل عيد حرمة 31 والتي نالت إعجاب الحضور وعلى رأسهم أمين عام رابطة العالم الإسلامي د.عبدالله بن عبدالمحسن التركي
http://filaty.com/i/1009/75110/51.jpg
وقد حضيت بإنصات الجميع وبهدوء عم المكان وقد كان الإلقاء مميزا جدا وذكر فيها بماضي حرمة الجميل وأشاد بشخصية العام.
وهذه أبيات القصيدة:
يالله ثبتني على خير طاعة /// أنت الكريم وباب عفوك لي وصال
وافتح على قلبي وسدد يراعه /// بنوادر الأمثال وابيات ٍ إجزال
في ذمتي لو جبت خير البضاعة /// قدام عماني وقدام الأخوال
أهل العلوم الغانمة والصناعة /// ومخرجين أجيال في إثر الأجيال
ماظنتي بوفي من الشعر باعه /// في حضرة الشيخان هامات وجبال
لكنها مني عزوم وشجاعة /// وتطوير في ذاتي ولي فخر واجلال
إني على المنبر وعند الجماعة /// وأعلن لهم ماصال فيني وماجال
اليوم ياحرمة ولو كم ساعة /// تراقصي بالطيب في حضرة الآل
في يوم مامثله ومثل اجتماعه /// نبت الفياض اللي لها الكل ميال
ناقف على الماضي وقسوة صراعه /// وقفات من يبكي وَلَه عند الأطلال
هذي مزارعنا عظيم ٍ شراعه /// متوارثين الطيب فيها والآمال
شيباننا يوم أحسنوا بالزراعة /// أثمر لنا جيل ٍ يباهي ويختال
يشهد لنا الجامع سنين القناعة /// كم سجدة ٍ حراَّ وكم دمع سيّال
شيبان راحوا والأثر شف شعاعه /// الله يرفعهم على خير منزال
وحنا على هالدرب عسر انقطاعه /// درب الجدا مانميل لو غيرنا مال
درب الوفا والوصل ماقوى ذراعه /// وخدمة وطن يفخر بها كل رجال
وتطوير للديرة وحسن ابتداعه /// حتى لها الأنظار بإعجاب تنهال
نهضة وقيمة واتزان ولماعة /// في كل ميدان ٍ لنا برق وخيال
والفيصلي باخلاص شفنا اندفاعه /// لا نصر وقف له ولا وقف هلال
ومهما وصلنا في حدود البراعة /// نحتاج نتواصى على طيب الفال
تناشدوا يالربع ساعة وساعة /// عن حال حرمه ! واليتامى ! وش الحال؟
وحال الأرامل والفقر واتساعه /// شي ٍ يشاف , وشي يعلم به الوال
وتسمعوا ,, به صوت زاد ارتفاعه /// من وسط حرمه له يجي خمسة أحوال
نادى بمركز تنمية في رباعه /// تبنى عقول , وملتقى خير فعّال
تكفون حرمة فالوصايا وداعه /// بكتوفنا تطلع ولو ذكرنا زال
مطبوع حبك فالحنايا طباعه /// يالغالية نفداك بأرواح وأموال
ياحفلنا والليل أرخى متاعه /// الصمت حكمة والبلاوي فالأقوال
العين تفضح حبنا واندلاعه /// والنفس ماتنلام في حب الأبطال
سحابته تسقي ولا اهنا مناعة /// الهرج منسي والمراجل بالأفعال
لاهب هيفيٍ علينا إتباعه /// يَبْسم ثغر حرمه ليا قال ثم طال
يستاهل التكريم راع الوداعة /// ابن عقيل اللي على الخير همَّال
(ليست مجرد) اعتزاز وبراعة /// لكنها يمناك ساقتك للحال
نهجك صحيح وشايفين التماعه /// يبرق سناه وكلمة الحق تنقال
والآدمي منا بقدر استطاعه /// يبذل ويلقى الخير في يوم الأهوال
ويارب ثبتنا على خير طاعة /// أنت الكريم وباب عفوك لنا وصال
جبت الجهد والفكر عنده قناعة /// مايضمر السرجوف حسنات الأعمال
كلمة وأدوزنها برفق وسناعة /// يالله عساها ماتعذرب وتحتال
تمت وقدامي شيوخ الجماعة /// وهذا الفخر والله في حضرة الآل
محمد بن عبدالرحمن آل عبدالكريم
أبو راكان
http://filaty.com/i/1009/75110/51.jpg
وقد حضيت بإنصات الجميع وبهدوء عم المكان وقد كان الإلقاء مميزا جدا وذكر فيها بماضي حرمة الجميل وأشاد بشخصية العام.
وهذه أبيات القصيدة:
يالله ثبتني على خير طاعة /// أنت الكريم وباب عفوك لي وصال
وافتح على قلبي وسدد يراعه /// بنوادر الأمثال وابيات ٍ إجزال
في ذمتي لو جبت خير البضاعة /// قدام عماني وقدام الأخوال
أهل العلوم الغانمة والصناعة /// ومخرجين أجيال في إثر الأجيال
ماظنتي بوفي من الشعر باعه /// في حضرة الشيخان هامات وجبال
لكنها مني عزوم وشجاعة /// وتطوير في ذاتي ولي فخر واجلال
إني على المنبر وعند الجماعة /// وأعلن لهم ماصال فيني وماجال
اليوم ياحرمة ولو كم ساعة /// تراقصي بالطيب في حضرة الآل
في يوم مامثله ومثل اجتماعه /// نبت الفياض اللي لها الكل ميال
ناقف على الماضي وقسوة صراعه /// وقفات من يبكي وَلَه عند الأطلال
هذي مزارعنا عظيم ٍ شراعه /// متوارثين الطيب فيها والآمال
شيباننا يوم أحسنوا بالزراعة /// أثمر لنا جيل ٍ يباهي ويختال
يشهد لنا الجامع سنين القناعة /// كم سجدة ٍ حراَّ وكم دمع سيّال
شيبان راحوا والأثر شف شعاعه /// الله يرفعهم على خير منزال
وحنا على هالدرب عسر انقطاعه /// درب الجدا مانميل لو غيرنا مال
درب الوفا والوصل ماقوى ذراعه /// وخدمة وطن يفخر بها كل رجال
وتطوير للديرة وحسن ابتداعه /// حتى لها الأنظار بإعجاب تنهال
نهضة وقيمة واتزان ولماعة /// في كل ميدان ٍ لنا برق وخيال
والفيصلي باخلاص شفنا اندفاعه /// لا نصر وقف له ولا وقف هلال
ومهما وصلنا في حدود البراعة /// نحتاج نتواصى على طيب الفال
تناشدوا يالربع ساعة وساعة /// عن حال حرمه ! واليتامى ! وش الحال؟
وحال الأرامل والفقر واتساعه /// شي ٍ يشاف , وشي يعلم به الوال
وتسمعوا ,, به صوت زاد ارتفاعه /// من وسط حرمه له يجي خمسة أحوال
نادى بمركز تنمية في رباعه /// تبنى عقول , وملتقى خير فعّال
تكفون حرمة فالوصايا وداعه /// بكتوفنا تطلع ولو ذكرنا زال
مطبوع حبك فالحنايا طباعه /// يالغالية نفداك بأرواح وأموال
ياحفلنا والليل أرخى متاعه /// الصمت حكمة والبلاوي فالأقوال
العين تفضح حبنا واندلاعه /// والنفس ماتنلام في حب الأبطال
سحابته تسقي ولا اهنا مناعة /// الهرج منسي والمراجل بالأفعال
لاهب هيفيٍ علينا إتباعه /// يَبْسم ثغر حرمه ليا قال ثم طال
يستاهل التكريم راع الوداعة /// ابن عقيل اللي على الخير همَّال
(ليست مجرد) اعتزاز وبراعة /// لكنها يمناك ساقتك للحال
نهجك صحيح وشايفين التماعه /// يبرق سناه وكلمة الحق تنقال
والآدمي منا بقدر استطاعه /// يبذل ويلقى الخير في يوم الأهوال
ويارب ثبتنا على خير طاعة /// أنت الكريم وباب عفوك لنا وصال
جبت الجهد والفكر عنده قناعة /// مايضمر السرجوف حسنات الأعمال
كلمة وأدوزنها برفق وسناعة /// يالله عساها ماتعذرب وتحتال
تمت وقدامي شيوخ الجماعة /// وهذا الفخر والله في حضرة الآل
محمد بن عبدالرحمن آل عبدالكريم
أبو راكان